Bakı Olimpiya Stadionunda “Beşiktaş” - “Fənərbağça” matçı olacaqmı?
06.01.2022
2011-ci ildə keçirilməmiş Türkiyə Super Kubokunun finalı Bakıda oynanılacaq.
Bu iddia ilə məşhur türkiyəli jurnalist, futbol şərhçisi Ərtəm Şənər çıxış edib.
O bildirib ki, "Beşiktaş” - "Fənərbağça” matçı avqustda Bakı Olimpiya Stadionunda keçiriləcək.
Bakı Olimpiya Stadionunun direktoru Cavid Qarayev isə açıqlamasında onlarda belə bir məlumat olmadığını bildirib.
Qeyd edək ki, həmin matç "Fənərbağça” prezidenti Aziz Yıldırımın rüşvət iddiasına görə baş tutmayıb. Yaxın günlərdə onun günahsızlığı sübuta yetirildiyindən, "Fənərbağça” həmin matçın təşkil olunmasını tələb edib.
Xatırladaq ki, 2011-ci ildə "Fənərbağça” Türkiyə Super Liqasının, "Beşiktaş” isə ölkə kubokunun sahibi olub.
