“Rok-n-rol kralı”nın evi hərraca çıxarılıb
26.08.2018
"Rok-n-rol kralı” Elvis Preslinin təkərlər üzərində evi ABŞ-da hərraca çıxarılıb.
TASS informasiya agentliyi xəbər verir ki, hərracda evin start qiyməti 13 min dollardan başlayıb. Onlayn rejimdə keçirilən alqı-satqı "GWS Auctions” hərrac evi tərəfindən keçirilir. Qalib gələn şəxs Preslinin şəxsən özü tərəfindən 1967-ci ildə imzalanmış və notarial qaydada təsdiq olunmuş arayışı da əldə edəcək. Mülkiyyət hüququna dair həmin arayışı Elvis Presli evi alarkən hazırladıb.
Qeyd edək ki, Elvis Presli bu evi həyat yoldaşı Pristsillo ilə birgə 1967-ci ildə almışdı.
