Azərbaycan Pakistandan “JF-17” qırıcılarını almaqda maraqlıdır
02.11.2021
Azərbaycan Pakistandan "JF-17 Thunder” qırıcı təyyarələrini almaqda maraqlıdır.
Bu barədə Azərbaycanın Pakistandakı səfirliyinin hərbi attaşesi polkovnik Mehman Novruzov bildirib.
O, söhbətin "Block 3” modifikasiyasından getdiyini qeyd edib.
Hərbi attaşe Azərbaycanın öz hərbi-hava qüvvələrinin müasirləşdirilməsi üzərində çalışdığını və Pakistan qırıcılarının alışının əsas prioritetlərdən biri olduğunu deyib.
"Pakistandan "JF-17 Thunder” qırıcılarının alınması ikitərəfli hərbi əməkdaşlıq sahəsində gündəlikdə duran əsas məsələdir”, - deyə M.Novruzov əlavə edib.
Qeyd edək ki, "Block 3” əvvəlki "JF-17”lərlə müqayisədə kabinənin elektronikasının və radar sistemlərinin modernizasiyası ilə fərqlənir.
.jpg)
