Peskov: Türkiyəsiz OLMAZ
17.08.2018
Rusiya Prezidenti Vladimir Putinlə Almaniya kansleri Angela Merkel arasında keçiriləcək görüş zamanı müzakirə olunacaq məsələlər məlum olub.
"Dövran Media" xəbər verir ki, bu barədə Rusiya prezidentinin mətbuat katibi Dmitri Peskov danışıb.
Peskovun sözlərinə görə, Türkiyəyə maliyyə dəstəyinin göstərilməsi görüşün gündəminə daxil deyil.
"Düşünmürəm ki, hansısa formada bu məsələ rol oynasın. Bunu Türkiyə ilə müzakirə etmək lazımdır, Türkiyəsiz bu məsələni necə müzakirə edək?”, - Peskov bildirib.
Putinlə Merkel görüş çərçivəsində ikitərəfli münasibətləri, nəhəng kommersiya layihələrinin icrası məsələlərini, həmçinin Ukrayna və Suriya problemlərini müzakirə edəcəklər.
