İran yük maşını yenə Zəngəzurda qəza törətdi
09.09.2021
Zəngəzurda ağır yol-nəqliyyat hadisəsi baş verib.
DM erməni mediasına istinadla xəbər verir ki, bu gün səhər İrəvan-Mehri yolunun 329-cu kilometrliyində Qafan istiqamətində hərəkət edən İrana məxsus "Scania” markalı yük maşını qarşı yola çıxaraq "QazEl” markalı sərnişin mikroavtobusu ilə toqquşub.
Qəza nəticəsində 6 nəfər müxtəlif dərəcəli bədən xəsarətləri alıb. Yaralılar Qacarandakı xəstəxanaya yerləşdiriliblər.
Qeyd edək ki, İran maşınları sözügedən yolda vaxtaşırı qəzaya uğrayır.
Faktla bağlı araşdırma aparılır.
