Prezident İlham Əliyev İtaliya xalqına başsağlığı verdi
14.08.2018
Prezident İham Əliyev və vitse-prezident Mehriban Əliyeva İtaliya Respublikasının Prezidenti Zati-aliləri cənab Sercio Mattarellaya başsağlığı məktubu ünvanlayıb.
"Dövran Media" xəbər verir ki, başsağlığı məktubunda bildirilir:
"Hörmətli cənab Prezident,
Genuya şəhəri yaxınlığında avtomobil körpüsünün uçması nəticəsində insanların həlak olması və itkin düşməsi xəbəri bizi olduqca kədərləndirdi.
Bu faciə ilə əlaqədar Sizə, həlak olanların ailələrinə və yaxınlarına, bütün İtaliya xalqına öz adımızdan və Azərbaycan xalqı adından dərin hüznlə başsağlığı veririk".
