Baş məşqçi: Başqa çıxış yolu yoxdur...
14.08.2018
"Daha öncə "BATE"nin çox yaxşı komanda olduğunu bildirmişdim. Bakıdakı ilk oyun çox çətin oldu, bizi bundan da ağır oyun gözləyir".
"Dövran Media" xəbər verir ki, bunu "Qarabağ"ın baş məşqçisi Qurban Qurbanov Belarusda "BATE" ilə keçirəcəkləri Çempionlar Liqasının III təsnifat mərhələsinin cavab oyunundan öncə deyib.
Mütəxəssis bildirib ki, hazırkı məqamda nə qədər çətin olsa da, başqa çıxış yolu yoxdur: "Nəticə qazanmaq üçün meydanda ən yaxşısını etməyə çalışacağıq".
"Qarabağ" ilk görüşdə 0:1 hesabı ilə uduzub. "Borisov Arena"da keçiriləcək cavab görüşü Bakı vaxtı ilə saat 21:00-da başlanacaq.
