Türk futbolçu "Barselona"nın tarixinə düşdü
23.08.2021
İspaniya La Liqasının II turunda "Barselona" "Atletik"in qonağı olub və görüş 1:1 hesabı ilə başa çatıb.
DM xəbər verir ki, Kataloniya təmsilçisinin türk əsilli futolçusu Yusuf Demir bu matçda komandanın tarixinə düşüb. 62-ci dəqiqədə oyuna daxil olan futbolçu 18 yaş 80 günlüyündə debüt edib.
Bununla da Yusuf Demir Lionel Messidən sonra "Barselona" forması ilə La Liqa matçına çıxan ikinci ən gənc futbolçu olub. Argentinalı 2004-cü ildə 17 yaşında La Liqada debüt etmişdi.
Qeyd edək ki, türk əsilli Yusuf Demir Avstriya millisini seçib.
