Əfqanıstanlı kinorejissor Türkiyə tərəfindən xilas edildi
18.08.2021
Türkiyə və Ukrayna "Taliban”ın Kabilə daxil olmasından sonra 11 nəfəri Əfqanıstanın paytaxtından təxliyə edib.
DM xəbər verir ki, onlardan biri də Sahra Kərimi adlı xanım olub. Əfqan kinorejissor sosial media hesabından mesaj yayımlayaraq Türkiyə və Ukraynaya təşəkkür edib.
Belə ki, 35 yaşlı sənətçi "Taliban" qüvvələri Kabilə daxil olduqdan sonra mesaj yayaraq həyatının təhlükədə olduğu bildirib. "Bizi mühasirəyə alıblar, öldürməyə gəlirlər" deyən Sahra Kərimi və digərlərinin köməyinə Türkiyə və Ukrayna çatıb. "Taliban" daha əvvəl kinorejissoru ölümlə hədələmişdi.
