Haiti prezidentinə hücum edən hərbçiləri ABŞ hazırlayıbmış
16.07.2021
Haiti prezidenti Jovenel Moizin qətlində iştirak edən Kolumbiyalı hərbçilərin bir hissəsi daha əvvəl ABŞ silahlı qüvvələri tərəfindən hazırlanıblar.
DM xəbər verir ki, bunu ABŞ-ın Müdafiə nazirliyi təsdiqləyib.
Pentaqonun rəsmi nümayəndəsi polkovnik Ken Hoffman deyib ki, bu, xarici hərbi təlimlərə dair məlumat bazalarının araşdırılması nəticəsində məlum olub:
"Mövcud istintaq çərçivəsində saxlanılan bir neçə Kolumbiya vətəndaşı ölkələrinin Silahlı Qüvvələrində həqiqi xidmətdə olarkən ABŞ-ın təlim proqramlarında iştirak ediblər".
Onun sözlərinə görə, ABŞ Müdafiə nazirliyi araşdırmaları davam etdirir.
Xatırladaq ki, Haiti prezidenti Jovenel Moiz iyulun 7-nə keçən gecə öz iqamətgahında öldürülüb. Cinayətlə əlaqədar 18 kolumbiyalı və iki Haiti məşəli amerikalı olmaqla 23 nəfər həbs edilib.
