Türkiyə universitetlərinə bu qayda ilə qəbul dayandırılır
08.07.2021
Türkiyə ilə Azərbaycan arasında ali təhsil sahəsində əməkdaşlıq münasibətləri genişləndirilir.
DM-in xəbərinə görə, bu, Türkiyə-Azərbaycan iqtisadi əməkdaşlığına dair fəaliyyət planında öz əksini tapıb.
Sənəddə qeyd edilib ki, Azərbaycan Respublikası Təhsil Nazirliyi ilə Türkiyə Ali Təhsil Şurası arasında ali təhsil əməkdaşlığına dair "Anlaşma Memorandumu"nun 5-ci bəndinə əsasən, Azərbaycan vətəndaşlarının Türkiyədə fəaliyyət göstərən ali təhsil müəssisələrinə tək sertifikatla qəbul edilməsinin dayandırılması təşviq ediləcək.
Türkiyə Ali Təhsil Şurasının rəsmi internet səhifəsinin "YÖK Lisans Atlası” bölməsində Azərbaycan ali təhsil müəssisələrinin sayının artırılması istiqamətində görüşlər keçiriləcək.
Bu işlərin həyata keçirilməsi isə Azərbaycan tərəfdən Təhsil Nazirliyinə, Türkiyə tərəfdən isə Ali Təhsil Şurasına tapşırılıb.
