Seneqalın dövlət başçısı İlham Əliyevə təbrik ünvanladı
01.06.2021
Seneqal Respublikasının Prezidenti Məkki Sall Azərbaycan Respublikasının Prezidenti İlham Əliyevə təbrik ünvanlayıb.
DM-in məlumatına görə, təbrikdə deyilir:
"Cənab Prezident.
Ölkənizin milli bayramı – Respublika Günü münasibətilə Sizə səmimi təbriklərimi çatdırmaqdan məmnunluq duyuram.
Sizə və dost Azərbaycan xalqına davamlı rifah və tərəqqi arzulayıram.
Bu xoş fürsətdən istifadə edərək ölkələrimiz arasında səmimi dostluq və əməkdaşlıq əlaqələrini möhkəmləndirmək üçün Sizinlə işləməyə hazır olduğumu bir daha təsdiq edirəm".
