Hərbçilərimiz Türkiyədə paraşüt hazırlıqlarını nümayiş etdirdi
26.05.2021
Türkiyə Respublikasının Konya şəhərində keçirilən Azərbaycan Ordusunun hərbi qulluqçularının da qatıldığı "Anatolian Phoenix-2021” beynəlxalq axtarış-xilasetmə təlimi davam edir.
Bu barədə Müdafiə Nazirliyi məlumat yayıb.
Bildirilib ki, beynəlxalq təlimdə paraşüt hazırlığı üzrə məşqlər keçirilib. Məşqlərin keçirilməsində əsas məqsəd şəxsi heyətin paraşütlərdən istifadə vərdişlərinin təkmilləşdirilməsi, həmçinin onların döyüş və xüsusi hazırlıq səviyyəsinin daha da artırılmasıdır.
Təlim iyunun 4-dək davam edəcək.
