Rəşad Nəbiyev onu şöbə müdiri təyin etdi
05.05.2021
Azərbaycan Nəqliyyat, Rabitə və Yüksək Texnologiyalar Nazirliyində yeni təyinat olub.
DM report-a istinadən xəbər verir ki, Şahin Babayev Nazirliyin Maliyyə və hesabatlıq şöbəsinin müdiri təyin edilib.
Bu təyinata qədər Ş.Babayev "Azərkosmos” ASC-nin Maliyyə departamentinin mühasibat və hesabatlılıq qrupunun rəhbəri olub.
Qeyd edək ki, fevral ayının əvvəlində nazir Rəşad Nəbiyevin əmri ilə Nazirliyin Maliyyə və hesabatlıq şöbəsinin keçmiş müdiri Gülru Hüseynova tutduğu vəzifədən azad edilmişdi.
