İsraildən şok iddia
12.04.2021
İsrail Yayım Korporasiyası İranda baş verən nüvə təsisi qəzasının arxasında Mossadın olduğunu iddia etdi.
DM SABAH HABER-ə istinadən xəbər verir ki, İran mətbuatı Natanz Nüvə Zavodunun elektrik paylama şəbəkəsində bir qəzanın baş verdiyini və hadisənin səbəbi ilə əlaqədar araşdırmaların davam etdiyini açıqladı.
İsrail İctimai Yayım Korporasiyası (KAN), İranın İsfahan şəhərindəki Natanz Nüvə Müəssisəsindəki qəzanın arxasında İsrail kəşfiyyat xidməti Mossadın olduğunu iddia etdi.
Natanz Nüvə Müəssisəsində, ilk olaraq elektrik paylama şəbəkəsində meydana gələn "qəza" olaraq xalqa elan edilən və ardından bunun "terror aktı" olduğu düşünülən hadisə ilə əlaqədar KAN tərəfindən bir iddia qaldırıldı.
Sözügedən ziyanın ölkənin uran zənginləşdirmə qabiliyyətinə vurduğunu bildirən xəbərdə hadisənin vaxtının təsadüf olmadığı ifadə edildi.
İran Atom Enerjisi Agentliyinin sözçüsü Behruz Kemalvendi, bu səhər Natanz Nüvə Müəssisəsinin elektrik paylama şəbəkəsində bir qəzanın baş verdiyini bildirdi və hadisənin səbəbi ilə əlaqədar istintaqın davam etdiyini söylədi.
İran Atom Enerjisi Agentliyinin rəhbəri Əli Əkbər Salihi daha sonra müəssisədə baş verən qəzanın "terror aktı" olduğunu elan etdi.
