Türkiyə: son 24 saatda 193 ölüm
05.04.2021
Türkiyədə yeni növ koronavirusdan (COVID-19) son sutka ərzində 193 nəfər vəfat edib.
Bu barədə "covid19.saglik.gov.tr” portalında məlumat yayılıb.
Məlumata görə, son 24 saatda simptomları müəyyən edilməyən xəstələrlə birlikdə daha 42 551 nəfər COVID-19 infeksiyasına yoluxub.
Bu gün yeni növ koronavirusdan sağalan xəstələr 25 627, ağır xəstələr isə 2407 nəfər olub.
Qeyd edək ki, Türkiyədə indiyədək 3 529 601 nəfər COVID-19 xəstəsi olaraq qeydə alınıb, onlardan 3 130 977 nəfər sağalıb, 32 456 nəfər isə həyatını itirib.
