Yaponiyada zəlzələ - YENİLƏNİB
14.02.2021
Şənbə günü Yaponiyada 7,3 bal gücündə baş verən zəlzələdə xəsarət alanların sayı 124-ə çatıb.
DM bildirir ki, bu barədə Yaponiyanın ictimai televiziyası məlumat yayıb.
Yaponiyada baş verən 7.3 bal gücündə zəlzələ nəticəsində xəsarət alanların sayı 50 nəfəri ötüb
APA Kyodo agentliyinə istinadən xəbər verir ki, yaralıların əksəriyyəti yeraltı təkanların ən çox hiss olunduğu Miyaqi və Fukusima prefekturalarının sakinləridir.
Yaponiyanın Baş naziri Yoşihide Suqa zəlzələdən sonra açıqlama verərək, yeraltı təkanların genişmiqyaslı dağıntılara və çox sayda qurbana səbəb olmadığını bildirib. O, həmçinin, Yaponiyanın nüvə obyektlərinə ziyan dəymədiyini qeyd edib.
Baş nazir yerli sakinləri yeraltı təkanlara hazır olmağa və gecə çölə çıxmamağa çağırıb.
Sunami təhlükəsi proqnozlaşdırılıb.