Rusiya yeni nəsil “Armata” tanklarının ixracına başlayır
04.02.2021
Rusiyanın yeni nəsil "Armata” tankları ixrac pasportu alıb, yaxın vaxtlarda ilk dəfə xaricdə təqdim olunacaq.
Bu barədə "RİA Novosti” "Rosoboroneksport”a istinadən məlumat yayıb.
"T-14 "Armata” tankı üçün reklam pasportu qeydə alındı və yaxın gələcəkdə xaricdə debütünü görəcəksiniz”, - deyə qurumdan bildirilib.
Qeyd edək ki, indiyə qədər "Armata" layihəsi tam məxfi hesab edilirdi. Bu tanklar ilk növbədə Rusiya ordusunun silahlanması üçün nəzərdə tutulub. 2019-cu ildə istehsalçı "Uralvaqonzavod” ordu üçün 52 ədədlik sifariş aldığını bildirib.
Tankın yüksək istehsal xərcləri (4-5 mln dollar) onun ixraca çıxarılmasını sürətləndirib.
