İzmirdə bir gündə 100-dən çox zəlzələ oldu
22.01.2021
Türkiyənin İzmir şəhərində bir sutka ərzində 100-dən çox zəlzələ baş verib.
DM Türkiyə KİV-ə istinadən xəbər verir ki, yer silkələnmələri müxtəlif fay xətlərində yaşanıb. Zəlzələlərin ən böyüyü Rixter şkalası ilə 4.5 balla qiymətləndirilib.
Zəlzələnin ocağı orta dərinlikdə yerləşib. Dağıntı və ya itki olmayıb. Mütəxəssislər kiçik çaplı yer silkələnmələrinin davam edəcəyini bildiriblər.