Türkiyə Şimali Kiprə vaksin göndərdi
14.01.2021
Türkiyə Şimali Kiprə 20 min dozalıq koronavirus əleyhinə vaksin göndərib.
DM Türkiyə KİV-ə istinadən xəbər verir ki, bu barədə Şimali Kipr Türk Respublikasının Səhiyyə Nazirliyi məlumat yayıb. Vaksinlər Çin istehsalı olan "SinoVac" şirkətinin vaksinləridir. Vaksinlər artıq paytaxt Lefkoşaya çatdırılıb.
"Türkiyə hər zaman yanımızda olduğunu hiss etdirir. Təşəkkürlərimizi bildiririk. Artıq vaksinasiya prosesi ilə bağlı planlaşdırmalarımız sona çatıb. Ölkə ərazisində 9 mərkəz yaradılıb. Bu mərkəzlərdə insanlarımız Türkiyənin hədiyyə etdiyi vaksinlərlə ödənişsiz şəkildə vaksinasiyadan keçəcəklər", - deyə açıqlamada bildirilib.