Mutasiyaya görə qorxuya düşməyin
21.12.2020
İngiltərədə virusa yoluxmanın artmasını mutasiya ilə əlaqələndirmək üçün tezdir. Təsadüf də ola bilər. Hələ heç nə dəqiq deyil.
DM xəbər verir ki, bunu Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru, azərbaycanlı alim Nuran Abdullayev qeyd edib.
O bildirib ki, ÜST-ün virusun mutasiyası ilə bağlı dediklərinə görə insanları qorxutmağa ehtiyac yoxdur:
"Koronavirusa aid olan B.1.1.7-də 2 gücləndirən və 1 zəiflədən mutasiya var. ÜST-ün İngiltərədə olan mutasiya ilə bağlı dediyini tirajlayıb insanları qorxuya salmağın heç bir anlamı yoxdur. Ən azından ona görə ki, virusun bizdə nə vəziyyətdə olmasından, hansı qolunun neçə dəfə mutasiyaya uğradığından xəbəriniz yoxdur”.
Qeyd edək ki, Ümumdünya Səhiyyə Təşkilatı (ÜST) koronavirusun mutasiyaya uğraması ilə bağlı həyəcan təbili çalıb.
