Trampın müşaviri Avropadan təcili geri qayıtdı
16.12.2020
ABŞ Prezidentinin milli təhlükəsizlik üzrə müşaviri Robert Obrayn Avropaya səfərini yarımçıq qoyaraq, Vaşinqtona qayıdıb.
DM xəbər verir ki, bu məlumatı "Blumberq” agentliyi yayıb. Məlumata görə, Obrayn Vaşinqtona federal müəssisələrə kiberhücumla bağlı hökumətin fəaliyyətini koordinasiya etmək üçün geri dönüb.
Qeyd edək ki, bundan öncə ABŞ Maliyyə Nazirliyi, Daxili Təhlükəsizlik Nazirliyi və Ticarət Nazirliyində sistem qırılması haqqında məlumat yayılmışdı. Federal müəssisələrə Rusiya kəşfiyyatı ilə əlaqəli olan ART-29 və "Cozy Bear” haker qruplarının hücum etdiyi bildirilmişdi.