Ərdoğan Zəfər paradında bu şeiri söylədi
10.12.2020
Türkiyə Prezidenti Rəcəb Tayyib Ərdoğan da bugünkü Zəfər paradında çıxış edərək Prezident İlham Əliyevi, Azərbaycan Ordusunun mənsublarını salamlayıb.
DM xəbər verir ki, Ərdoğan Azərbaycanın 44 gün davam edən mübarizəsində şəhid olanlara Allahdan rəhmət diləyib:
"Qazilərimizə şəfalar diləyirəm. Şair Bəxtiyar Vahabzadənin dediyi kimi:
Hardan sənin oldu bizim Qarabağ?
Adı sahibini demirmi aşkar?
Xoşluqla verməzlər torpağı, ancaq
Qanla möhürləyib, zorla alarlar.
İsa bulağının zümzüməsini,
Cabbarın, Seyidin, Xanın səsini,
Dalğalı Qarabağ şikəstəsini,
Babək türbəsini necə pay verim?
Qarabağı 30 illik həsrətin ardından Ana Vətənlə qovuşduran Azərbaycan Ordusunun üzvlərini dualarla cəbhəyə göndərən anaların əllərindən öpürəm”, -deyə Türkiyə Prezidenti bildirib.
