Bu problem Türkiyə olmadan həll edilə bilməz - AB
06.12.2020
Türkiyə Avropa Birliyinin (AB) geosiyasət və ticarət baxımından ən əhəmiyyətli müttəfiqlərdən biridir.
Bunu Avropa Parlamentinin (AP) macarıstanlı deputatı Marton Qyönqyösi deyib.
O bildirib ki, bir neçə il əvvəl baş verən miqrant böhranı Türkiyənin AB üçün nə qədər əhəmiyyətli olduğunu göstərdi:
"Bu problem Türkiyə olmadan həll edilə bilməz. Orta Şərq və Şimali Afrikada yaranmış böhranlar da buna aiddir”.
M.Qyönqyösi qeyd edib ki, AB-Türkiyə münasibətləri daha yaxşı ola bilər:
"Münasibətləri asanlaşdıracaq və inkişaf etdirəcək sahələrə diqqət yetirməliyik. Hazırda Aralıq dənizinin şərq hissəsində baş verən proseslər münasibətləri gərginləşdirir. Problemin həlli ilə bağlı konkret addımlar atılmalıdır”.
