Bakı üçün anomal hava şəraiti
23.11.2020
Hazırda ölkə ərazisində müşahidə edilən hava temperaturu normadan 1-3 dərəcə aşağıdır.
Bunu Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova deyib. O bildirib ki, soyuq hava kütləsinin ölkə ərazisinə daxil olması ilə əlaqədar noyabrda temteratur aşağı düşüb:
"Hazırda ölkə ərazisində yağıntılar qeyri-bərabər şəkildə paylanır və müşahidə edilən temperatur normadan aşağıdır. Buna baxmayaraq, bu ilin noyabrında rekord göstərici qeydə alınmayıb. Yağıntıların bu cür olması isə noyabr üçün xarakterikdir”.
G.Məmmədova onu da bildirib ki, ölkə ərazisində 24-25 noyabrda hava şəraiti nisbətən sabit keçəcək:
"Paytaxtda sabahdan etibarən şimal-şərq küləyi əsəcək, əsasən yağmursuz olacaq. Ölkə ərazisində isə 24-25 noyabrda hava şəraiti nisbətən sabit, əsasən yağmursuz keçəcək”.
