Bizi 8 acı reallıq gözləyir-Sərkisyan
23.11.2020
Bu fəlakətin nəticələrini azaltmaq mümkündürmü? Düşünürəm ki, şansımız var.
DM xəbər verir ki, bu sözləri erməni ekspert Suren Sərkisyan yazıb.
O aşağıdakı nüansları qeyd edib:
"Hakimiyyətin səhvləri nəticəsində biz tezliklə aşağıdakı çətin reallıqlarla qarşılaşacağıq:
1. Xarici siyasət prioritetimiz yalnız təhlükəsizlik faktoru olacaq və bütün addımlar bunun ətrafında atılacaq;
2. Az-çox müstəqil dövlətçiliyi olan Ermənistan süqut edəcək;
3. Biz artıq özümüzü bölgədəki ən döyüşkən orduya sahib ölkə olaraq qələmə verə bilmərik;
4. Ermənistan artıq "Dağlıq Qarabağın” təhlükəsizliyinin qarantı deyil, bu da bölgədəki kompleks təhlükəsizlik balansında əsaslı dəyişikliklərə səbəb olacaq;
5. Ermənistan artıq öz təhlükəsizliyinin belə qarantı deyil;
6. Ermənistan artıq özündən daha güclü bir qüvvəyə qarşı müharibədə qalib gələn bir dövlət sayılmayacaq;
7. Bizim artıq şaxələndirilmiş, balanslaşdırılmış və ya tamamlayıcı xarici siyasətimiz olmayacaq;
8. Xarici siyasətimiz bundan sonra uyğunlaşan siyasət olacaq. Yəni biz geosiyasi və regional reallıqlara uyğunlaşacağıq”.
Ekspertin sözlərinə görə, bu faciələrin qarşısını almağın yeganə yolu hazırkı hökumətdə olan bütün səlahiyyətliləri işdən çıxarmaqdır.
