20.11.2020
Demokrat Cozef Bayden ABŞ-ın Çinə qarşı sanksiyaların sərtləşdirilməsi və mallara yeni rüsumların tətbiq edilməsi kimi tədbirlərini vacib hesab etmir.
Bu barədə "TASS” xəbər verib.
"Məsələ Çini cəzalandırmaqda deyil, Çinin qaydalarla oynamaq lazım olduğunu başa düşməsindədir”, - o deyib.
O, həmçinin ABŞ-ın ÜST-lə qarşılıqlı əlaqəsinin tərəfdarı olduğunu bildirib: "Bu sadə bir təklifdir. Buna görə də, elə ilk gündə (yeni ABŞ administrasiyasının-red.) Ümumdünya Səhiyyə Təşkilatına (ÜST) yenidən qoşulacağıq”.
Baydenin sözlərinə görə, ABŞ və müttəfiqləri Çinin də riayət etməli olduğu qaydaların vahid anlayışını razılaşdırmalıdırlar. "Biz yalnız mövcud pandemiya ilə deyil, həm də növbəti ilə mübarizə üçün plan hazırlamalı olacağıq. Virusun öz-özünə yox olacağı fikri irrasionaldır”, - deyə o əlavə edib.
