Daha iki şəhid müəllim...
18.11.2020
Daha iki müəllim – Qoşqar Ömərov və Elgün Quliyev torpaqlarımızın azadlığı uğrunda gedən döyüşlərdə şəhid olublar.
Q. Ömərov Masazır kənd 5 nömrəli tam orta məktəbdə riyaziyyat müəllimi işləyib. O, qəhrəmancasına döyüşərək noyabrın 4-də şəhidlik zirvəsinə yüksəlib. Məlumatı Təhsil Nazirliyindən təsdiqləyiblər. MİQ imtahanında 58 bal yığmaqla yüksək nəticə göstərib və Masazır kənd 5 nömrəli tam orta məktəbə işə qəbul olunub. Bu il onun şagirdlərindən biri DİM-in blok imtahanında yüz faizlik nəticə göstərib.
Digər şəhidimiz Elgün Quliyev isə Lerik rayon Sors kənd ümumi orta məktəbində tarix müəllimi işləyib. O, Hadrut istiqamətində gedən döyüşlərdə qəhrəmancasına həlak olub.
