Türkiyə ordusu irimiqyaslı təlimlər keçirir
02.07.2018
Türkiyə silahlı qüvvələri Konyadakı 3-cü aviabazada Azərbaycan, Səudiyyə Ərəbistanı və Şimali Kiprdən olan hərbçilərin də iştirakı ilə irimiqyaslı təlimlərə başlayıb.
"Dövran Media" xəbər verir ki, "Anadolu Ankası-2018" təlimlərində havadan yerüstü hədəflərə sutkanın müxtəlif vaxtlarında zərbələr endirilməsi, habelə birgə axtarış-xilasetmə əməliyyatları sınaqdan keçirilir. "Anadolu Ankası" təlimləri 2009-cu ildən bəri hər il keçirilir. Təlimlər iyulun 6-da yekunlaşacaq
Xatırladaq ki, bu gün Azərbaycan Silahlı Qüvvələrinin də irimiqyaslı hərbi təlimləri başlayır. İyulun 6-da yekunlaşacaq təlimlər zamanı düşmənin əsas baza və hərbi infrastrukturunun eyni vaxtda raket-artilleriya zərbələri ilə məhv edilməsi, işğal altındakı ərazilərin azad edilməsi üçün irimiqyaslı hücum əməliyyatı məşq ediləcək.
