Mobil rabitə sektorunun gəlirləri 42% artıb
13.11.2020
Bu ilin yanvar-oktyabr aylarında Azərbaycanda mobil rabitə xidmətlərindən əldə olunan gəlirlərin həcmi 754,4 mln. manat təşkil edib.
Bu barədə Dövlət Statistika Komitəsindən bildirilib.
Hesabat dövründə ölkə üzrə mobil rabitə xidmətlərindən əldə olunan gəlirlərin həcmi ötən ilin müvafiq dövrü ilə müqayisədə 2,3% artıb. Mobil rabitə sektorunun gəlirləri ümumi telekommunikasiya bazarının gəlirlərinin 41,9%-ni təşkil edib.
"Cari ilin 10 ayında informasiya və rabitə müəssisələri tərəfindən 1 801,1 mln. manatlıq xidmət göstərilib. Xidmətlərin 73,2%-i əhali tərəfindən istehlak olunub. Ötən ilin eyni dövrü ilə müqayisədə informasiya və rabitə xidmətlərin dəyəri real ifadədə 1,4% artıb", - deyə komitədən bildirilib.
