Pakistan XİN-dən açıqlama
11.11.2020
Qardaş Azərbaycan xalqını təbrik edirik - Pakistan XİN-dən açıqlama
"Qardaş Azərbaycan xalqını və hökumətini torpaqlarının işğaldan azad olunması münasibətilə təbrik edirik".
Bu barədə Pakistan Xarici İşlər Nazirliyi məlumat yayıb.
Açıqlamada Pakistanın Dağlıq Qarabağ məsələsinin beynəlxalq hüquq və BMT Təhlükəsizlik Şurasının qətnamələri çərçivəsində həll olunmasını dəstəklədiyi qeyd olunub:
"Tərəflərin atəşkəs əldə etməsindən məmnunuq. Ümid edirik ki, bu, bölgədə yeni bir sabitlik və firavanlıq dövrünə səbəb olacaq və məcburi köçkünlərin ata yurdlarına qayıtmasını asanlaşdıracaq".
