Ölüm səbəbi müəyyənləşib
28.06.2018
Şimali Kipr Türk Respublikasında (ŞKTR) yaşayan azərbaycanlının meyiti tapılıb.
Azərbaycan-Kipr Dostluq Cəmiyyətinin sədri, Girne Amerikan Universitetinin beynəlxalq əlaqələr departamentinin direktoru Orxan Həsənoğlu APA-ya bildirib ki, ŞKTR-nın Girne şəhərində meyiti tapılan şəxsin Azərbaycan vətəndaşı Sabit Qazıyev olduğu müəyyənləşib.
O. Həsənoğlunun sözlərinə görə, 1960-cı il təvəllüdlü Sabit Qazıyev Girnədə həyat yoldaşı və anası ilə birlikdə yaşayıb: "İyunun 27-də axşam saatlarınadək evdə olub. Saat 23.00 radələrində gəzintiyə çıxıb, hovuzda üzüb. Sonra qəfildən ölüb. Onun meyiti gecə saatlarında tapılıb. Mərhumun meyiti Lefkoşa Dr. Burhan Nalbantoğlu xəstəxanasında tibbi ekspertizadan keçirilib və məlum olub ki, Sabit Qazıyev ürək çatışmazlığından vəfat edib”.
