Son sutkada İranda koronavirusdan 156 nəfər vəfat edib
07.08.2020
İranda koronavirusa yoluxanlar arasında ölüm halları nisbətən azalıb.
Bu barədə İranın Səhiyyə Nazirliyinin mətbuat katibi Sima Səadət Lari mətbuat konfransında məlumat verib. O bildirib ki, son sutka ərzində İranda 2 min 450 nəfər koronavirusa yoluxub, 156 nəfər isə vəfat edib.
Bununla da İranda virusa yoluxanların ümumi sayı 322 min 567 nəfərə, ölənlərin sayı isə 18 min 132-ı çatıb. Müalicəsi davam edən 4 min 136 xəstənin vəziyyəti ağır olaraq qalır. Müalicə olunan 279 min 724 nəfər isə sağalaraq evə buraxılıb.
