Türkiyədə zəlzələ - 5.2 bal
04.08.2020
Türkiyənin Malatya vilayətində Rixter cədvəli üzrə 5,2 bal gücündə zəlzələ baş verib.
DM xəbər verir ki, bu barədə Türkiyə Daxili İşlər Nazirliyinin nəzdindəki Fövqəladə Halların İdarə Olunması Agentliyi (AFAD) məlumat yayıb.
Məlumatda qeyd edilir ki, yeraltı təkan avqustun 4-də yerli vaxtla saat 12:37-də (Bakı vaxtı ilə 13:37) baş verib. Zəlzələ ətraf bölgələrdə də hiss edilib. Əhali hadisəni böyük təşvişlə qarşılayıb. Dağıntılar və xəsarət alanlar barədə hələlik məlumat yoxdur. Araşdırma aparılır.
