Rusiyanın raket gəmiləri Aralıq dənizində
18.06.2018
Rusiynın "Qrad Sviyajsk” və "Velikiy Ustyuq” raket gəmiləri Bosfor və Dardanel boğazlarından keçərək Aralıq dənizinə daxil olub.
"Dövran Media" xəbər verir ki, bu haqda "RİA Novosti” Rusiyanın Qara dəniz hərbi dəniz donanmasının informasiya təminatı şöbəsinə istinadən məlumat yayıb.
Hərbi gəmilərin Aralıq dənizinin hövzəsinə daxil olması planlı olub. Raket gəmiləri uzaq dəniz zonasında olan Rusiya hərbi dəniz qüvvələrinə qoşulacaq.
Hazırda Aralıq dənizində Rusiyaya aid 15 döyüş və maddi texniki təchizat gəmisi üzür. Onların arasında qanadlı "Kalibr” raketləri ilə təchiz olunmuş "Admiral Qriqoroviç” freqatı da var.
