Koronaya görə ordudan kömək istənildi
24.06.2020
Avstraliyanın Viktoriya ştatının hökuməti koronavirusla mübarizədə maddi-texniki dəstək üçün Avstraliya Müdafiə Nazirliyinə müraciət edib.
Bu məlumatı ABC teleradiosu yayıb.
Ştat rəhbərliyi Müdafiə Nazirliyindən 300 hərbçi, o cümlədən tibb müəssisələrində yardım üçün hərbi həkim istəyib.
Qeyd edək ki, son 8 gün ərzində Viktoriya ştatında 149 yoluxma faktı qeydə alınıb. Son sutkada ştatda 20 nəfər koronavirusa yoluxub, 1 nəfər isə ölüb.
İndiyə qədər ştatda koronavirusa 1864 nəfər yoluxub, 20 nəfər isə dünyasını dəyişib.
