Dünən İranda 2531 nəfər yoluxub, 133 nəfər ölüb
24.06.2020
İranda koronavirusdan ölənlərin sayı hər gün artır. Son 24 saat ərzində 2531 nəfər virusa yoluxub, 133 nəfər isə vəfat edib.
Bu barədə İranın Səhiyyə Nazirliyinin mətbuat katibi Səadət Sima Lari gündəlik mətbuat konfransında məlumat verib. Onun sözlərinə görə, İranda yoluxanların ümumi sayı 212 min 501, ölənlərin sayı isə 9996 nəfərə yüksəlib. Xüsusi xəstəxanalarda müalicə alan 172 min 96 nəfər sağalaraq evə buraxılıb. İntensiv terapiyada yatan 2869 xəstənin vəziyyəti ağır olaraq qalır.
