Türkiyədə 17 min 506 nəfər karantindədir
08.05.2020
COVID-19 pandemiyası ilə əlaqədar hazırda Türkiyədə 17 min 506 nəfər karantində saxlanılır.
Bu barədə Türkiyənin Gənclik və İdman naziri Mehmet Muharrem Kasapoğlu bildirib.
Qeyd edilib ki, dünyanın 89 ölkəsindən gələn bu şəxslər Türkiyənin 76 şəhərindəki tələbə yataqxanalarında yerləşdiriliblər. İndiyədək karantində olan 51 min 747 vətəndaş isə evə buraxılıb.
Nazir xəstəliklə mübarizə aparan bütün səhiyyə işçilərinə və sosial məsafə qaydalarına riayət edən vətəndaşlara minnətdarlığını bildirib.
