Ermənistan ön cəbhəyə 225 kamera yerləşdirdi
06.05.2020
Ermənistan ön cəbhədə 225 müasir videomüşahidə texnikası quraşdırıb.
Bu məlumatı öz Feysbuk səhifəsində Ermənistan Müdafiə Nazirliyinin mətbuat katibi Şuşan Stepanyan paylaşıb.
O, 64 döyüş mövqeyinin daimi elektriklə, 134 postun daimi su, 35 postun isə modul hamamla təchiz edildiyini bildirib.
Stepanyan döyüş postlarındakı şəxsi heyətin yalnız yarısının "yeni menyu” ilə qidalandığını deyib. Yeni menyuya nələrin daxil edildiyi isə açıqlanmayıb.
Qeyd edək ki, erməni ordusunun təchizatında xüsusilə qida ilə bağlı problem vaxtaşırı olaraq gündəmə gəlir.
