Hindistanda yoluxmalar sürətlə artır
26.04.2020
Hindistanda ötən sutka ərzində yeni növ koronavirusa (COVID-19) 1490 yeni yoluxma və 56 ölüm qeydə alınıb.
AZƏRTAC Hindistanın Səhiyyə Nazirliyinə istinadla xəbər verir ki, hazırda ölkədə 24 min 292 nəfər COVID-19 xəstəsi var. Ölənlərin ümumi sayı isə 780 nəfərdir.
Ölkədə ən ağır vəziyyət Maharaştra ştatındadır. Burada yoluxanların sayı 7628-ə, ölənlərin sayı isə 323-ə çatıb. Qucarat ştatı isə 3071 yoluxma və 133 ölüm halı ilə ikinci yerdərdir.
Qeyd edək ki, martın 25-də Hindistanda COVID-19 pandemiyası ilə əlaqədar 21 günlük xüsusi karantin rejimi elan olunmuşdu. Sonradan karantin rejimi mayın 3-dək uzadılıb.
