Azərbaycan səfirliklərində Qaynar xətt yaradıldı
15.03.2020
Türkiyə və Azərbaycan vətəndaşlarının hava və quru yolu ilə qarşılıqlı səfərlərinin 15 mart saat 00.00-dan etibarən müvəqqəti olaraq dayandırılmasından sonra Azərbaycan Respublikasının Türkiyə səfirliyində Qaynar xətt yaradılıb.
Bu barədə səfirlikdən məlumat verilib.
"Türkiyədə yaşayan, təhsil alan və müvəqqəti olaraq burada səfərdə olan vətəndaşlarımızın Səfirliyimizə mümkün müraciətlərinin operativ şəkildə cavablandırılması məqsədilə tərəfimizdən Qaynar xətt yaradılıb. Qaynar xətt nömrəsi: +905372826740" - deyə, məlumatda qeyd olunub.
Azərbaycanın Gürcüstandakı səfirliyində də koronavirus infeksiyasının yayılma riski ilə əlaqədar operativ Qaynar xətt xidməti yaradılıb.
Bildirilib ki, mümkün müraciətlərin səfirlik tərəfindən cavablandırılması məqsədi ilə vətəndaşlar +995 577 06 50 50 qaynar xətti vasitəsi ilə səfirliklə əlaqə saxlaya bilərlər.
