Malta İtaliya ilə nəqliyyat əlaqəsini kəsdi
10.03.2020
Malta hökuməti koronavirus təhlükəsi ilə əlaqədar İtaliya ilə bütün nəqliyyat əlaqəsini dayandırıb.
Bunu ölkənin baş naziri Robert Abela deyib.
Nazir bildirib ki, ölkələr arasında bütün aviareyslər dayandırılır. Malta ilə Siciliya adası arasındakı bərə səfərləri yalnız yük və dərman daşımaları üçün həyata keçiriləcək.
Qeyd edək ki, Maltada koronavirusa 4 yoluxma halı qeydə alınıb. Onların hər biri İtaliyadan gəlib.
İtaliyada isə yoluxma sayı 9 mini keçib, ölənlərin sayı 463 nəfərə çatıb.
