Ərdoğan-Putin razılaşmasında ən kritik MƏQAM
06.03.2020
Ötən gün əldə olunan razılaşmadakı önəmli nüanslardan biri də Türkiyənin də Təhrir əş-Şam qruplaşması ilə mübarizə aparmaq öhdəliyini götürməsidir.
Bu sözləri türkiyəli jurnalist, ekspert Sədat Ergin ötən gün Moskvada keçirilən Ərdoğan-Putin görüşünü şərh edərkən deyib.
”Prezident Ərdoğan da dünən verdiyi açıqlamada Türkiyənin İdlibə göndərdiyi hərbi birliklərin həm rejimin hücumlarını zərərsizləşdirməyə, həm də atəşkəsi pozan silahlı qruplaşmaların qarşısını almağa çalışdığını dedi. Təhrir əş-Şam qruplaşmasının qarşısını almaq bundan sonra İdlibdə ən həssas və kritik məsələlərdən biri olacaq”, - Sədat Ergin bildirib.
Qeyd edək ki, ötən gün Türkiyə Prezidenti Rəcəb Tayyib Ərdoğanla rusiyalı həmkarı Vladimir Putin arasında İdlibdə atəşkəslə bağlı razılıq əldə olunub.
