Dezinfeksiya Mərkəzi: Koronavirusun qalıcılıq müddəti azdır
03.03.2020
Koronavirus havada uzun müddət qalıcı olmasa da, səthlərdə onun 9-12 saatadək qalıcılıq qabiliyyəti var. Bu o deməkdir ki, koronavirusun digər viruslara nisbətən qalıcılıq müddəti azdır.
Bunu jurnalistlərə açıqlamasında Bakı şəhər Dezinfeksiya Mərkəzinin həkimi Elvin Məmmədov deyib.
O bildirib ki, bəzən valideynlər təşvişə düşürlər. Bu, o demək deyil ki, əks-epidemik tədbirlər hər hansı epidemik göstəriş olanda həyata keçirilir: "Təhsil Nazirliyi ilə qarşılıqlı əməkdaşlıq nəticəsində yanvar ayının əvvəlindən hər yerdə bu tədbirlər görülür".
E.Məmmədov qeyd edib ki, bu tədbirlər iş qrafikindən asılı olaraq tədris gününün sonunda aparıldığına görə gözə çarpmır. Az müddət ərzində bütün tədbirlər planı həyata keçiriləcək.
