Qanapolski: Belə getsə, Suriya və Krım Türkiyənin olacaq
02.03.2020
Rusiya Suriyada müharibəyə başlamayacaq, çünki Türkiyə ABŞ-dan sonra NATO-da ikinci ən güclü orduya sahibdir.
Bunu ukraynalı jurnalist Matvey Qanapolski yazıb. "Əgər genişmiqyaslı müharibə başlasa, Türkiyə Suriyanı tamamilə nəzarətə götürəcək, Krım da Türkiyənin olacaq. Rusiyanın qorxunc itkiləri mümkündür. Ukrayna da təbii ki, bundan istifadə edəcək”, - politoloq bildirib.
Qanapolski Prezident Ərdoğanı nəzakətli, amma olduqca sərt və aqressiv lider olaraq xarakterizə edib:
"Onun arxasında terrorçularla hər gün döyüşən monolit birləşmiş millət var”.
Politoloq hesab edir ki, Türkiyə də Rusiya ilə müharibəyə maraqlı deyil:
"Çünki Rusiya dünyada ikinci ən güclü orduya sahibdir. Bundan başqa Rusiya Türkiyənin ən böyük ticarət (turizm) tərəfdaşlarından biridir. Ərdoğan 3-4 il öncəki iqtisadi itkilərini gözardı etməyəcək”.
