İqtisadiyyat nazirinə yeni müavin təyin edildi
13.02.2020
İqtisadiyyat naziri Mikayıl Cabbarova yeni müavin təyin edilib.
Azərbaycan Prezidentinin sərəncamına əsasən Rövşən Nəcəf İqtisadiyyat nazirinin yeni müavini vəzifəsinə təyin edilib.
Yeni təyinata qədər isə R.Nəcəf Azərbaycan Vergilər Nazirliyi yanında Maliyyə Monitorinqi Xidmətinin (MMX) rəhbəri kimi fəaliyyət göstərib.
Xatırladaq ki, R.Nəcəf Prezident Administrasiyasının innovativ inkişaf və elektron hökumət şöbəsinin rəhbəri, eləcə də dövlətə məxsus "Azərbaycan İnvestisiya Şirkəti”nin icraçı direktoru vəzifəsində işləyib.
