Neftə tələbat azaldı - Dünya böhran ərəfəsində
03.02.2020
Çində koronavirusa görə neftə gündəlik tələbat 3 milyon barrel və ya 20% azalıb.
Xəbər verildiyi kimi, bu məlumatı "Blumberq” agentliyi yayıb. Məlumata görə, bu, 2008-ci il böhranından sonra neftə tələbatın ən çox azaldığı haldır.
Yaranan vəziyyətlə bağlı tezliklə "OPEK+” ölkələrinin fövqəladə iclasının çağırılması imkanlarının nəzərdən keçirildiyi bildirilib.
"Brent” neftinin dəyəri 20 yanvardan indiyə qədər 10% azalıb. Keçən həftə ərzində Çinə Latın Amerikası ölkələrindən neft məhsullarının tədarükü tam dayandırılıb, Qərbi Afrikadan da tədarük azalıb. Mənbələr Çinin neft emalı zavodlarında yaxın zamanlarda neft emalının 15-20% azalacağını bildiriblər. Çinin nəhəng "Sinopec” neft korporasiyası artıq indidən emalı 13-15% azaldıb.
