İranın gizli yerinin fotoları yayımlanıb
16.01.2020
"Tasnim” xəbər agentliyi İranın sərt yanacaqlı raketlərinin saxlanıldığı "raket şəhəri”nin fotoşəkillərini yayımlayıb.
Qeyd edək ki, adıçəkilən agentlik İnqilab Keşikçiləri Korpusuna yaxınlığı ilə tanınır.
Agentliyin yayımladığı fotoşəkillərin bir, yoxsa bir neçə yeraltı şəhərə aid olduğunu müəyyən etmək mümkün olmayıb. İran İnqilab Keşikçiləri Korpusuna məxsus son altı ildə bərk yanacaqlı, habelə orta mənzilli ballistik raketlərin olduğu üç yeraltı "raket şəhəri”nin qurulduğu iddia olunur.
Agentlik, həmçinin İraqdakı bazaya atılan raketlərdən ikisinin texniki nasazlıq səbəbindən İran ərazisinə düşdüyünü açıqlayıb.
