Hindistanın Azərbaycan neftinə marağı artıb
29.12.2019
2019-cu ilin yanvar-noyabr aylarında Hindistan Azərbaycandan gündə 56.2 min barel neft idxal edib ki, bu da keçən ilin müvafiq dövrü ilə müqayisədə 35,6% çoxdur.
Xəbər verildiyi kimi, bu barədə "Röyters” agentliyi məlumat yayıb.
Mənbə Hindistanın Azərbaycan neftinə marağının artdığını bildirib.
Agentliyin məlumatına görə, ümumilikdə bu ilin 11 ayı ərzində Hindistan gündə 4.47 milyon barel neft idxal edib ki, bu da 2018-ci ilin eyni dövrü ilə müqayisədə 1.7% azdır.
Ölkə il ərzində ən çox İraqdan neft idxal edib. 2019-cu ilin on bir ayında bu göstərici gündə 1.05 milyon barel təşkil edib ki, bu da ötən ilin müvafiq dövrü ilə müqayisədə 9.3% çoxdur.
