Qəzaya uğramış təyyarənin ilk görüntüləri - VİDEO
27.12.2019
Qəzaya uğrayan təyyarənin sərnişini faciənin ilk dəqiqələrinin videosunu paylaşıb.
Bu barədə "Sputnik Kazaxstan” xəbər yayımlayıb.
Xatırladaq ki, Qazaxıstanın "Bek Air” şirkətinə məxsus "Fokker 100” təyyarəsi Almatı hava limanı yaxınlığında qəzaya uğrayıb. Almatı-Nur-Sultan reysi ilə uçan təyyarənin göyərtəsində 95 sərnişin və beş heyət üzvü olub.
Təyyarədə havada hündürlük yığdığı zamanı nasazlığın baş verdiyi bildirilir. Yerə düşən hava gəmisi beton arakəsməyə və ikimərtəbəli tikiliyə çırpılıb.
Qəza yerində dərhal xilasetmə işləri başlayıb: sərnişinlər və heyət üzvləri təxliyyə olunub, yanğının qarşısı alınıb.
